[i544]

DE LA VILLE DE PARIS.

lettres de creance du Roy pour remonstrer à la compaignée et aux Quarteniers et bourgeois mandez, estans en la grand salle dud. hostel, le grant affaire que le Roy nostred, seigneur avoit de present à supporter au pays de Piedmont et ailleurs, et que nonobstant que lad. Ville luy ayt par cy devant si bien ayde et secouru, et faict son devoir de luy ayder d'argent pour le faict de ses guerres, dont il a matiere de soy bien contenter d'icelle Ville, neantmoings, prie encores icelle Ville luy ayder promptement, et dedans trois jours, de la somme de cinquante mil escus d'or soleil pour ses grands et urgens affaires susdictz; et il en baillera telle asseurance de remboursement que lad. Ville vouldra demander et adviser, avec tel gré qu'il appartient à ses bons et loyaulx subgelz, mesmes ceulx de Paris qui ne l'ont jamais laissé au besoing. Sur quoy a esté advisé et deliberé par tous les dessusdictz qu'on doibt obeyr au Roy et qu'on doibt dire ausd. Quarteniers et marchans qu'il est neccessaire trouver promptement lad. somme, et qu'on leur baillera telle seureté qui vouldront demander, mesmes d'obliger le Bureau de la Ville, si besoing est.

Ce faict, se sont mesd. s^rs les Prevost des Marchans, Eschevins et Conseillers susdictz retirez en la grand salle dud. Hostel, en laquelle estoient lesd. Quarteniers et bourgeois, c'est assavoir :

Sires Jehan Basannier, Danès, Lejay, Lelorrain, Prevost, Pellerin, de Sainct Germain, Berthelemy, Kerver, Parfaict, Gohory, Courtin et Hac, Quarteniers;

Sire Jacques Pinel, M^e Jacques Lesecq, M^c Abel Bourguignon, advocat du Bailliage;

Jehan de Moners, Joachin Rolland, Nicolas Viel-

Jart, Jehan de la Table, Jehan de la Place, Philippes Cramoisy, Jacques Coquillart, Fiacre Charpentier, et autres bourgeois d'icelle Ville;

Ausquelz, presens tous les dessusdictz , a esté faict lecture desd, lettres missives, desquelles la teneur ensuit :

De par le Roy.

"Très chers et bien amez, nous avons donné charge à nostre amé et feal Conseiller et Maistre des Requestes ordinaire de nostre Hostel, le seigneur du Mortier, vous declairer les affaires où nous sommes de present, et sur ce vous dire aucune chose de nostre part, dont vous prions le croire comme nous mesmes. Priant Dieu, très chers et bien amez, vous avoir en sa garde.

"Escript à Paris, ce xxiii" Fevrier mil v^c xliii."

Signé : "François, de Neufville."

Et au dessus : «A nos très chers et bien amez les Prevost des Marchans et Eschevins de nostre bonne ville et cité de Paris."

Et après lad. lecture faicte et que mond. s^r le Prevost a faict les remonstrances et sa creance, comme dessus, a esté conclud et arresté que en dilligence lesd. Quarteniers manderont les plus riches bourgeois deleursd. quartiers et leur declairer (sic) la prompte neccessilé et affaire du Roy, lequel il fault secourir par prest d'argent, en leur declairant que l'argent qu'ilz bailleront leur sera remboursé avec celuy qui leur est deu et qu'ilz baillèrent dernierement à Mess" les Cardinaulx, avec bonne asseurance telle qui la vouldront demander. Ce que lesd. Quarteniers Ont promis faire et en rendre responce demain à huit heures de matin, en l'Ostel de lad. Ville.

XLIL — Maistre Anthoine Poart, procureur du Roy et de la Villé, par resignation.

8 mars 1544. (Fol. 41 v°.)

Du samedi vin⁰ jour de Mars mil v^c xliii.

En assemblée le jour d'uy faicte, en l'Ostel de la Ville de Paris, de Mess" les Prevost des Marchans, Eschevins, Conseillers, Quarteniers et bourgeois d'icelle Ville, pour adviser sur la resignation que entant faire maistre Leonard Poart, Procureur du Roy et de lad. Ville, dud. estat et office, au prouffit de M* Anthoine Poart, son frere, suyvant les mandemens le jour d'hier envoyez ausd. Conseillers et Quarteniers d'icelle, et deux notables personnes de chascun quartier; en laquelle assemblée se sont trouvez :

Mons^r du Morlier, Prevost des Marchans;

Mess" Godeffroy, Seguier et Choppin, Eschevins ;

Mons" le Lieutenant criminel, Morin ;

Baillet, de Livres, M. de Bragelongne, G. Lelieur, Courtin, Perdrier, C. Lelievre, Prevost, Poullart, T. de Montmirel, de Thou et Berthelemy, tous Conseillers de lad. Ville;

Basannier, Maciot, de Sainct Germain, Courtin, Lejay, Lelorrain, Berthelemy, Croquet, Hac, Parfait et Pellerin, Quarteniers d'icelle Ville;

Mess"d'Yverny, Maistre des Requestes;